兔年賀年禮品 -【瑤柱臘味蘿蔔糕】[預購產品]

$168.00

這件貨品已售罄

二澳賀年推介

「孤嗎」【瑤柱臘味蘿蔔糕】

今年繼續採用本地蘿蔔做糕,唔經唔覺我哋廠已經係第四年以香港蘿蔔做糕。

可能好多人都唔知,用本地新鮮蘿蔔喺製作上有咩唔同!

考師父牌:
香港蘿蔔汁多,做糕時蘿蔔同粉嘅比例,要靠師父經驗,難度會高啲。今年孤嗎搵到做糕經驗超過40年,曾主理多間老字號點心部嘅萍姐合作,務求製作出令大家清甜味美嘅記憶。

外型:
外貌好唔同,香港蘿蔔好多時都好有性格,外型唔會千篇一律,所以刨皮要識轉彎。

汁多:
香港蘿蔔夠新鮮又多汁,而啲汁液帶有刺激性,如果唔戴手套刨皮,刨5個左右,對手就會赤赤哋,個感覺就好似插對手落冰咁。

成本貴好多:
如果用工業農場嘅蘿蔔,成本大概平6-7成, 但一分錢一份貨、十分農夫心血、十足種植時間,所以會清甜好多。生活自帶苦澀,所以孤嗎覺得點都要得一口清甜,溝淡一下。

除咗蘿蔔係香港貨,今年更搵到[尚珍]臘味,主理人係有30多年經營老字號和珍臘味經驗嘅第二代傳人馮生,現時喺柴灣自設廠房,百份百香港制造,並不含防腐劑和味精。

除咗蘿蔔同臘味係香港出品外,糕盒都係香港做㗎!盒蓋有氣孔,入得微波爐之餘,放入鑊或蒸爐都得。希望大家可以循環再用啦~

香港蘿蔔供應有限,售完即止!

淨重:900克

截單日期:1月11日

發貨日期:1月16-20日

 

--------------------------------------------------------------------------- 

 

# 糕點最佳食用期為7-14日,需要冷藏,可選指定地點自取或送貨。

# 如自取,請於1月16-20日(下午2時至晚上7時30分) 期間到以下其中一個地點自取。

a) 觀塘巧明街99號7樓B5室 或

b) 北角城市花園商場第十三座一樓83號舖

 

# 如需送貨,需加收$50運費,並以冷凍速遞派送。請於送貨地址註明,會再聯絡安排。

# 收到訂單後,再聯絡確認自取地點 或送貨安排。

# 為保持食物質素,逾1月20日 晚上7時30分仍未領取後的產品,訂單將會作廢,不設退款或換貨。